Ragıp MİRZADE

DİVAN ŞİİRİNDEN YILDIZ BEYİTLER

1-Her kişiye belâ yüküni çekdürür felek
Kimdür ki bu cihâna müsellem gelür gider
İBN-İ KEMAL

2- Âlemde gam kişiye dem-â-dem gelür gider
Âdem mi var ki âleme hurrem gelür gider
İBN-İ kEMAL

3-Cân atar karşu çıkar izzet eder ey Yahyâ
Hançer-i dilber ile bir çıkışur cân olsa
TAŞLICALI YAHYA BEY

4-Şâdmânam gam-ı yâr ile sevinmez bu kadar
Bir gedâ cümle cihân mülkine sultân olsa
TAŞLICALI YAHYA BEY

5-Bir demür tağı delüp boynına almak gibidür
Her kişi âşık olurdı eger âsân olsa
TAŞLICALI YAHYA BEY

Ragıp MİRZADE

DİVAN ŞİİRİNDEN YILDIZ BEYİTLER

1-Aç gözün kesrette vahdet zevkin eyle yâra bak
Kalbini sâf eyleyip âyîne-i dîdâra bak
HAYALİ

2- Gözün aç gör nice ihyâ oldu emvât-ı zemîn
Haşr-ı ecsâda o münkir ettiği inkâra bak
ADLİ

3- Eyleme kibr ü hased merdûd olan şeytâna bak
Zühdüne tayanma gel gör n’oldı Bel’âm-ı Bâ’ur
MUHİBBİ

3-Her ne denlü derd ü mihnet kim gele eyle kabûl
Hîç işitmedün mi kim dünyâ degül cây-ı sürûr
MUHİBBİ

4- Sakın aldanma cihâna olmasun sende gurûr
Ne kadar devlet bulursan kendözüni eyle mûr
MUHİBBİ

5-Göz yum cihândan aç gözüni kendü hâlüne
Sen göz yumup açınca bu âlem gelür gider
İBN-İ KEMAL

Ragıp MİRZADE

DİVAN ŞİİRİNDEN YILDIZ BEYİTLER

1-Gonca-i dil açılıp hâtır nice şâd olmaya
Bâğda güller mi yok gülşende bülbüller mi yok
TAŞLICALI YAHYA BEY

2-Pâdişâh-ı âlem olmak bir kuru kavga imiş
Bir velîye bende olmak cümleden a’lâ imiş
SELİMİ

3-Dilberün işi ‘itâb u nâz olur
Çeşmi câdû gamzesi gammâz olur
Ey gönül sabr it tahammül kıl ana
Yâre irişmek işi az az olur
KADI BURHANEDDİN

4-Künc-i mihnetde rakîbâ beni tenhâ sanma
Kâr ger sende yatursa elemi bende yatur
BAĞDATLI RUHİ

5-Aşka kâbil dil mi yok şehr içre yâ dilber mı yok
Mest yok meclisde bilmem mey mi yok sâgar mı yok
TAŞLICALI YAHYA BEY

Ragıp MİRZADE

DİVAN ŞİİRİNDEN YILDIZ BEYİTLER

1-Ne yatursen eyâ gâfil gözün aç gör bu erkânı
Haka irmek diler isen okı âyât-ı Kurânı
ŞEYYAD HAMZA

2-Cân bana bâr-ı girân olurdı cânân olmasa
Cân olurdı derd ü gam cismümde ger cân olmasa
AHMET PAŞA

3-Cânı ne eylerdi dil-i bî-çâre cânân olmasa
Bülbüle âlem kafesdür ger gülistân olmasa
ADNİ

4-Cây-ı râhat bulımaz dânâ çeker renc u ta`ab
Sâye-i cehlinde nâ-dân dâ'imâ âsûde-hâl
ŞEYHÜLİSLAM YAHYA

5-Bizi bilsek niçün ser-defter-i `uşşâk yazmazsun
Bilürsin nâme-i derd ü belâ `unvânıyuz cânâ
ŞEYHÜLİSLAM YAHYA

Ragıp MİRZADE

DİVAN ŞİİRİNDEN YILDIZ BEYİTLER

1-Kimseyi beğenmez idün dünyâda benem dir idün
Ol dahı hoş durur sana çünki Hakâ dutmadı yön
ŞEYYAD HAMZA

2- Ol köy binüm bu şar binüm bu bahça vü gülzâr binüm
Şimdi sini yire koyar ol kâdir-i kün feyekün
ŞEYYAD HAMZA

3- Kanı sinün bâğun balun rızk u tavar ile mâlun
Lâf ura göğsün gerdiğin gel emdi nen vardur bugün
ŞEYYAD HAMZA

4- Oğurlayın bakar idün hûblara göz kakar idün
Şimdi gözün toprak tolub ne hoş yatursen ser-nigûn
ŞEYYAD HAMZA

5- Niçe kapular urasen niçe tuzaklar kurasen
Ger aslan olub durasen ecel kıla sini zebûn
ŞEYYAD HAMZA

Ragıp MİRZADE

DİVAN ŞİİRİNDEN YILDIZ BEYİTLER

1-Yâr içün agyâr ile merdâne ceng itsem gerek 

İt gibi murdar rakîb ölmezse yâr elden gider

 AVNİ

2- Sâkiyâ mey sun ki bir gün lâlezâr elden gider 

İrüşür fasl-ı hazan bâg ü bahâr elden gider 

AVNİ

3-Perhîz öğredür bana zâhid kişilenür 

Miskîn gam-ı nigârı ne bilsün yenür sanur

NECATİ BEY

4- Ölmüş tenüme aşkı anun rûh değül mi 

Gamzesi ile dil dahi mecrûh değül mi 

KADI BURHANEDDİN

5- Şeyyâd Hazma uş gider cürm ü günâhun fikri der 

Çün Hakk yolına girmedi kanda varursa tün bütün 

ŞEYYAD HAMZA

Ragıp MİRZADE

DİVAN ŞİİRİNDEN YILDIZ BEYİTLER

1-Eydünüz uşşâkı zâhid nâr ile korkutmasun
 Arif olan îrteye kalan belâdan korkmaz
NECATİ

2- Şevk-i ruhsârunla dil zülf-i dü-tâdan korkmaz
Ârzû-yi gene idenler ejdehâdan korkmaz
NECATİ

3-Şehümün aşkıdır cândan mukaddem
Anun derdi benüm gönlümde muhkem
ŞEYHOĞLU MUSTAFA

4- Şâd olmak isteyen gam ile mübtelâ gerek
 Âlemde saltanat taleb iden gedâ gerek
 ADNİ

5-Gönül günc-i kanâatte otur giy hırka-i hüznü
Çün ol şeh kulların dâim fakîr ü müstemend ister
ADLİ