Ragıb MİRZADE

DİVAN ŞİİRİNDEN YILDIZ BEYİTLER - 2

11- Dilde gam var şimdilik lûtfeyle gelme ey sürûr

Olamaz bir hânede mihmân mihmân üstüne

RASİH

12- Nâdir bulunur tıynet-i kâmilde kusûr

Kem mâyeden eyler ne ki eylerse zuhûr

 KOCA RAGIP PAŞA

13- Nakd-i ömrün bir sanem uğrunda sarfetdin temam

Ey Fuzuli ah eğer senden sorulsa bu hisab

FUZULİ

14- Nitekim eğlencesidir mal ü servet câhilin

 Ehl-i irfânın da mâl-i bî şümârıdır kitâb

 LATİFÎ

15- Ayağı yer mi basar zülfüne ber-dâr olanın

Zevk u şevk ile verir cân u seri döne döne

NECATİ BEY

16- Râyete meylederiz kâmet-i dil-cû yerine

Tûğa dil bağlamışız kâkül-i hoş-bû yerine

GAZİ GİRAY

17- Sevdâ-yı cihanı koma gönlünde Hayalî

Ol Kâ'be-i ulyâyı niçün mesken eder Lât

HAYALİ BEY

18- O zamân ki bezm-i cânda bölüşüldü kâle-i kâm

Bize hisse-i mahabbet dil-i pâre pâre düştü

ŞEYH GALİP

19- Gönülde cevher-i elmâsa benzer cevher-i gayret

Ezilmez şiddet-i tazyikten te'sir-i sıkletten

NAMIK KEMAL

20- Harâbât ehline dûzah azâbın anma ey zâhid

Ki bunlar ibn-i vakt oldu gam-ı ferdâyı bilmezler

HAYALİ BEY