RAGIP MİRZADE

DİVAN ŞİİRİNDE YILDIZ BEYİTLER-5

1- Eyleme kibr ü hased merdûd olan şeytâna bak

Zühdüne tayanma gel gör n’oldı Bel’âm-ı Bâ’ur 

MUHİBBİ

2-Her ne denlü derd ü mihnet kim gele eyle kabûl

Hîç işitmedün mi kim dünyâ degül cây-ı sürûr

MUHİBBİ

3- Sakın aldanma cihâna olmasun sende gurûr

Ne kadar devlet bulursan kendözüni eyle mûr

MUHİBBİ

4-Göz yum cihândan aç gözüni kendü hâlüne

Sen göz yumup açınca bu âlem gelür gider

İBN-İ KEMAL

5-Her kişiye belâ yüküni çekdürür felek

Kimdür ki bu cihâna müsellem gelür gider

İBN-İ KEMAL

6- Âlemde gam kişiye dem-â-dem gelür gider

Âdem mi var ki âleme hurrem gelür gider

 İBN-İ kEMAL

7-Cân atar karşu çıkar izzet eder ey Yahyâ

Hançer-i dilber ile bir çıkışur cân olsa

TAŞLICALI YAHYA BEY

8-Şâdmânam gam-ı yâr ile sevinmez bu kadar

Bir gedâ cümle cihân mülkine sultân olsa

TAŞLICALI YAHYA BEY

9-Bir demür tağı delüp boynına almak gibidür

Her kişi âşık olurdı eger âsân olsa

TAŞLICALI YAHYA BEY

10-Kâşki sevdüğümi sevse kamu halk-ı cihân

Sözümüz cümle hemân kıssa-i cânân olsa

TAŞLICALI YAHYA BEY